بحث

ابتسامة الاطفال

متذكرين وينتا ولادكو اول مرة ابتسمو 👶؟

في اهل مستعدين يحلفوا انه ولادهن بلشوا يبتسموا بجيل اكم ساعة، هل مزبوط ولا بتخيلوا👨‍👩‍👦؟


الجواب هو نعم، اطفال ممكن يبلشوا يبتسموا حتى وهني موجودين داخل #الرحم، صور 3D لاطفال من جيل اسبوع 23 ممكن تفرجي #ابتسامة 🤰 .


زمان، كان متبع نقول انه ابتسامات حتى جيل شهرين هي #Reflex ، ردة فعل منخلق معها، وما بتدل انه الطفل عنجد فاهم شو بصير حوليه وبتعبرش عن مشاعره 🤱.


بس ابحاث اجدد بلشت تجمع معلومات انه حتى الابتسامات في هذا الجيل هي #ابتسامات حقيقية، وفرجوا انه اطفال ببتسموا لما بشموا روائح #عطرة ، او لم بتذوقوا بثمهن #طعمة حلوة، وطبعا لما بشوفوا وجوه امهاتهن 👩‍🍼👨‍🍼 .


في جيل #شهرين ، متبع نبلش نحكي عن ابتسامة #اجتماعية، وهي ابتسامة بتظهر ع وجه الطفل بس يشوف وجوه ومش بالضرورة بس وجوه اهله. وعن طريق هذه الابتسامات الطفل بجرب يتحبب ويتقرب ع البيئة من حوله وبحاول يكون اجتماعي. لازم ننتبه انه هذه الابتسامات بتبين لما وجه الطفل قريب من وجه الشخص لانه الطفل ما بقدر يشوف لمدى بعيد في هذا الجيل👼.


لما يقرب الطفل ع جيل نص سنة بصير انتقائي اكثر وابتسامته بتكون بالاساس للوجوه الي بميزها وبعرفها 😊.


وانتو، طفلكو وينتا بلش يبتسم؟



د.

فراس ابو حنا

٨ مشاهدات٠ تعليق

أحدث منشورات

عرض الكل

في اشخاص طلبت يكون لقاء في نهاية الاسبوع فقمت بتعين لقاء اضافي لورشة "الشهر الأول من حياة طفلي" اللقاء يوم جمعة 10.9.2021 الساعة 20:30 التسجيل متاح عبر الموقع! نلقاكم 🙂